«ԲՅՈՒՐ»-ը առաջին հայալեզու «0-ից՝ բիզնես» հարթակն է, ստեղծված Իննոբիզի կողմից՝ ՎԶԵԲ-ի (EBRD) հետ համատեղ։ Այսօր հարթակը միավորում է 1800 մասնակցի, ովքեր երազում են սկսել իրենց սեփական գործը։

«Կանաչ Աղվես»-ը տեսադասերի շարք է շրջանաձև տնտեսության մասին, ստեղծված Իննոբիզի կողմից՝ ԵՄ ֆինանսավորմամբ։ Այն հատուկ նախատեսված է երիտասարդների և սկսնակ ձեռներեցների համար, ովքեր ցանկանում են գտնել այս ոլորտի մասին ամենաանհրաժեշտ տեղեկատվությունը։ Ծրագիրն արդեն համախմբել է շուրջ 500 մասնակցի։

#ՑԱՏԿ-ը կանանց զբաղվածության ծրագիր է՝ իրականացվում է Իննոբիզի կողմից՝ ՄԱԿ-ի Բնակչության հիմնադրամի (UNFPA) և Արաբական ծոցի զարգացման ծրագրի (AGFUND) ֆինանսավորմամբ։ Ծրագիրն ուղղված է Կոտայքի, Արագածոտնի, Սյունիքի և Տավուշի մարզերի 19-40 տարեկան կանանց՝ առաջարկելով անվճար առցանց դասընթացներ, անհատական մենթորություն և կապ գործատուների հետ։ Ծրագրի շնորհիվ 500+ կին հնարավորություն ունի ՑԱՏԿ կատարել դեպի աշխատաշուկա։